Ég er algjörlega á móti þessu!

Það er alveg undarlegt hvað menn virðast vera gjarnir á að vilja hækka laun kennara.  Þeir hafa fengið hvað flestar og mestar launahækkanir af öllum stéttum undanfarin ár.  Við sem erum foreldrar höfum öll þurft að gjalda fyrir þau verkföll sem kennarar hafa farið í á undanförnum árum og alltaf heimta þeir meira og meira.

 

Þeir vinna auk þess stuttan vinnudag og fá mjög langt sumarfrí og jólafrí.  Ég vil ekki segja að þeir vinni hálfan daginn hálft árið, það væri fulllangt gengið, en þeir vinna a.m.k. alls ekki mikið en eru þó með þokkaleg laun.

 

Sjálfri fyndist mér alls ekki ósanngjarnt að kennarar fengju í kring um 150-200 þúsund krónur í mánaðarlaun.    

Vill hækka laun kennara

Ég er á móti þessu

Mér líst ekki á þessi áform. Mér finnst Íslendingar fara of geist í uppbyggingu og bráðum verður hreinlega ekki grænn blettur eftir í borginni!

 

Vonandi fær Smáratorgið að standa óbreytt, það er ljómandi fallegt og gagnlegt. 

Smáratorg rifið og háhýsi byggt í staðinn?

Sorglegur raunveruleiki

Maður spyr sig hvaðan fólk hefur þá mannvonsku og það hatur sem þarna brýst út í börnum þess þegar þau stofna félag gegn Pólverjum.  Það er leiðinlegt að hugsa til þess að svona lagað geti gerst á Íslandi.  En nú hefur félagið fengið öflugan andstæðing, hann Bubbi kallar ekki allt ömmu sína og nú er mikilvægt að foreldrar landsins leggi lóð á vogarskálarnar og við útrýmum þessum fordómum í eitt skipti fyrir öll!

 

Það er alveg ljóst að ég mun ræða þessi mál við börnin mín á næstunni.  Ég vil ekki að mín börn beri kynþáttahatur í brjósti. 

Bræður og systur gegn fordómum

Hvað kostar mannslíf?

Þrátt fyrir að fjölskylda mannsins fái skaðabætur greiddar í peningum þá bætir það þeim ekki upp missi ættingja!!  Þessi meðferð á fanganum er til skammar og það er vonandi að fangelsismálayfirvöld taki á málinu af fullri hörku og að þeir sem bera ábyrgð á þessu séu látnir bera þá ábyrgð!

 

Það hlýtur að vera erfitt að verðleggja mannslíf.  Slíkt bíður þó dómara að gera í þessu máli. 

Fangi lést úr lyfjaeitrun

Ákvað að prófa að blogga!

Ég ákvað eftir samverustund með vinkonum mínum í gær að láta til leiðast og prófa að blogga.  Þær hafa lengi lagt hart að mér að prófa enda telja þær mig hafa frá ýmsu skemmtilegu að segja.  Hvort það er satt skal ósagt látið en ég mun reyna að skrifa hér um sýn mína á hversdagsleikann og fréttir líka.

 

Myndin hér til vinstri er ekki af mér, eins og kannski sést berlega, ég er nú ekki orðin svo gömul að gamlar myndir af mér séu svarthvítar!  Þetta er mynd af Emmeline Pankhurst sem barðist ötullega fyrir kvenréttindum.  Hún er í raun breska útgáfan af Bríeti Bjarnhéðinsdóttur og minning Emmeline verður seint nægilega í heiðri höfð.

 

Annars verður svo að fá að koma í ljós hversu dugleg ég verð við að skrifa hér inn.  Á morgun stendur til að fara með yngsta syninum í Rúmfatalagerinn, hann var að flytja að heiman með kærustunni og því þarf að kaupa eitt og annað til heimilisins og þar kemur mamma til hjálpar!